Psicologia de la conversion en San Agustin: I. Introducción al problema de la gracia y los dos amores
Finis quem praesens studium assequi conatur est doctrinam psychologicam St Augustini de conversione sub luce modernioris psychologiae religiosae examinare, ut denuo appareat quantum ipsa conferre possit ad hodiernum problema psychologicum fidei rite proponendum ac solvendum. Ostenditur imprimis apud...
| Main Author: | |
|---|---|
| Format: | Electronic Article |
| Language: | Spanish |
| Check availability: | HBZ Gateway |
| Fernleihe: | Fernleihe für die Fachinformationsdienste |
| Published: |
Ed. Pontificia Univ. Gregoriana
1941
|
| In: |
Gregorianum
Year: 1941, Volume: 22, Issue: 1, Pages: 9-24 |
| Online Access: |
Volltext (lizenzpflichtig) |
| Summary: | Finis quem praesens studium assequi conatur est doctrinam psychologicam St Augustini de conversione sub luce modernioris psychologiae religiosae examinare, ut denuo appareat quantum ipsa conferre possit ad hodiernum problema psychologicum fidei rite proponendum ac solvendum. Ostenditur imprimis apud Augustinum fundamentale problema proponi illis verbis Confessionum: « factus eram ipse mihi magna quaestio », ut recte Heidegger aliique recentes scriptores inspexerunt. Ut vero sensus huius « magnae quaestionis » elucidetur, ostenditur secundo necessitas instituendae introspectionis animae humanae, iuxta methodum quam ipse Augustinus, premens vestigia neoplatonicorum secutus est, prout ipse testatur: « admonitus reddire ad memetipsum, intravi in intima mea, duce te ». Investigatur itaque in praesenti articulo visio illa mundi interioris quae in mente St. Augustini maximas habuit partes in ratione concipiendi sive ordinem naturae sive ordinem gratiae, mutuasque illius duplicis ordinis relationes. Hac visione prae oculis habita intelligi potest demum profundior sensus illius aenigmatis vitae, aeternitatis et temporis quod continuo mentem Augustini occupat. Etenim ratio cur homo sit ipse sibi magna quaestio exinde est repetenda quod in eius rationali vita unicum quidem praeest lumen « internum aeternum », quod est ipsa Veritas seu Verbum Dei; et tamen non unus sed duo in ipsa dantur amores. Exinde colligitur hoc esse in psychologia St. Augustini summum problema, quod in Confessionibus quidem evolvitur intra limites vitae humanae et experientiae personalis, in libris vero de Civitate Dei protenditur ad universam generis humani historiam et ad omnes creaturas spirituales. Problema enim vitae, aeternitatis et temporis adest iuxta Augustinum in qualibet intellectuali creatura quae immortalis sit ac beata esse velit. — Hic ab auctore suscipitur tractanda ipsa quaestio psychologica, non tamen independenter ab aspectu theologico, sed potius per modum introductionis in summum problema gratiae divinae et liberi arbitrii creati, quibus fit ut adsint amores duo et civitates duae. |
|---|---|
| Contains: | Enthalten in: Gregorianum
|