| Summary: | Investigatio in scholam Petri Cantoris celeberrimi auctoris saeculi duodecimi non sine magno fructu erat. Tamquam notissimus inter eius discipulos Robertus Courson, S. R. E. Cardinalis nominatur. Hic prima vice quaestiones aliquae referuntur ex Cod. Erlangen. 353, quae forse ipsum habent auctorem, certissime autem intime ei connectuntur. Praeter Liebhardum de Pruefening et alia opera cum Cantoris Summa Abel, cuius videntur exstare plures recensiones, coniuncta, notatur praeprimis Summa aliqua in Codd. 432 et 433 Bibliothecae Universitatis Lipsiensis conservata, quae quamvis materiae dispositione necnon textu ampliori et aliis differens, a Cantoris opere Verbum abbreviatum nominato dependere probatur. Tandem describitur Commentarius in epistolas Paulinas Cantori communiter adscriptus et trabantes eius referuntur necnon movetur quaestio, num opus sit revera autenticum et non potius saltem quoad partem ex sola schola ipsius. Indigitatur tandem existentia plurium recensionum Summae de sacramentis et animae consiliis et deteguntur vestigia, quae etiam ad quaestiones aliquas e schola Cantoris conducere possent.
|
|---|