Algunas observaciones sobre los principales textos escatológicos de nuestro Señor. S. Mat., cap. XXIV
Antequam aggredimur ad exegesim totius capitis XXIV Evangelii S. Matthaei, quid antiquitas christiana tenuerit, oportet explanate proponere. Sed quoniam id perlongum est, seliguntur versus praecipui qui sunt quasi capita e quibus aliorum pendet exegesis. Primus est mysteriosus versus 15 — de quo agi...
| Main Author: | |
|---|---|
| Format: | Electronic Article |
| Language: | Spanish |
| Check availability: | HBZ Gateway |
| Fernleihe: | Fernleihe für die Fachinformationsdienste |
| Published: |
Ed. Pontificia Univ. Gregoriana
1937
|
| In: |
Gregorianum
Year: 1937, Volume: 18, Issue: 4, Pages: 534-578 |
| Online Access: |
Volltext (lizenzpflichtig) |
| Summary: | Antequam aggredimur ad exegesim totius capitis XXIV Evangelii S. Matthaei, quid antiquitas christiana tenuerit, oportet explanate proponere. Sed quoniam id perlongum est, seliguntur versus praecipui qui sunt quasi capita e quibus aliorum pendet exegesis. Primus est mysteriosus versus 15 — de quo agitur in hoc articulo — quocum et antecedentes et consequentes versus arcte coniunguntur. — Itaque hunc versiculum saepe ab antiquis auctoribus de eversione urbis Hierosolymae esse intellectum patet: satis est pro hac sententia S. Augustinum et S. Chrysostomum nominare. Verum attendendum est etiam et considerandum, hunc versiculum saepe, Patrum praesertim aetate, eschatologice esse intellectum, seu de temporibus Antichristi. Quod quidem in toto articulo copiose probatur, pluribus adductis testimoniis: 1) Tempore Patrum exegesis eschatologica usque ad S. Augustinum in Occidente dominatur, habetque suffragatores quum alios tum Sanctos Hilarium, Ambrosium, Hieronymum; post S. Augustinum pergit etiam haberi in honore, ita ut nullus auctor primi ordinis reliquo tempore aetatis Patristicae contra illam afferri posse videatur. — In Oriente tum graves auctores exsistunt pro exegesi eschatologica, tum contra illam, quamvis fortasse communior sit exegesis non-eschatologica pluribusque probabilior appareat. — 2) Temporibus subsequentibus ad nostra usque tempora semper exegesis eschatologica a catholicis debito cum honore excepta est, quamvis verum quoque sit exegesi non-eschatologicae multo plures nostris diebus auctores subscribere. Ad id demonstrandum seliguntur exempla e praecipuis exegeseos ac theologiae catholicae periodis: v. gr. e saec. XIII nominantur S. Albertus M., S. Bonaventura, S. Thomas qui illam proponit ut probabilem; e saec. XVI S. Thomas a Villanova, S. Petrus Canisius, Soto Dom., Gregorius de Valencia; e nostro tempore Card. Billot, Van der Heeren, P. Beda Rigaux. — Itaque habetur factum gravissimum, non oblivione delendum sed diligenter perpendendum ut recta et quasi integralis exegesis capitis XXIV S. Matthaei tuto constitui ac proponi possit. |
|---|---|
| Contains: | Enthalten in: Gregorianum
|