| Summary: | Ecclesia in concilii Tridentini sessione 21 sibi adscribit potestatem circa dispensationem sacramentorum « salva illorum substantia ». Inde non raro deducitur: ergo Christus sacramentorum omnium materiam et formam in specié determinavit, et sententia aliquorum sacramentorum institutionem in genere affirmans cum hac ecclesiae doctrina conciliari nequit. Quaeritur, num revera haec fuerit mens concilii. Proponitur: I. Quidnam theologi tempore concilii docuerint; unde elucet, utramque sententiam suos habuisse fautores inter theologos. Et hoc quidem argumentum articuli praesentis. II. Quae in concilio hac de re acta sint; unde concluditur, non posse ostendi, eam fuisse mentem concilii, ut verbis illis « salva illorum substantia » institutio aliquorum sacramentorum in genere excludatur; utraque sententia cum doctrina concilii conciliari potest; ergo institutio omnium sa cramentorum in specie ex hac doctrina deduci nequit. De his in articulo sequenti.
|
|---|