UNA CONFUTAZIONE RECENTE DI ROSMINI
Materia huius studii est liber (ut dissertatio ad lauream in sacra theologia apud Pontificiam Universitatem Gregorianam primo confectus. Opinari licet moderatorem dissertationis fuisse egregium theologum Carolum Boyer, SI., quondam Pont. Academiae Rom. S. Thomae Aquin. secretarium) publicatus, secun...
| Main Author: | |
|---|---|
| Format: | Electronic Article |
| Language: | Italian |
| Check availability: | HBZ Gateway |
| Fernleihe: | Fernleihe für die Fachinformationsdienste |
| Published: |
Edizioni Studio Domenicano
1985
|
| In: |
Divus Thomas
Year: 1985, Volume: 88, Issue: 4, Pages: 225-246 |
| Online Access: |
Volltext (lizenzpflichtig) |
| Summary: | Materia huius studii est liber (ut dissertatio ad lauream in sacra theologia apud Pontificiam Universitatem Gregorianam primo confectus. Opinari licet moderatorem dissertationis fuisse egregium theologum Carolum Boyer, SI., quondam Pont. Academiae Rom. S. Thomae Aquin. secretarium) publicatus, secunda editione, anno 1958 ab Albino Luciani — qui postea Summus Pontifex loannes Paulus I factus est — de origine animae hominis iuxta doctrinam Antonii Rosmini. Auctor praesentis articuli res maioris momenti quae in illo habentur disserit exquirendo opus per partes. Ex duabus autem principalibus partibus liber constat, quarum prima praebet exactam et accuratam expositionem rosminianae sententiae; in secunda, vero, sententia illa iusta trutinatione discernitur, ratione cum philosophica turn praesertim theologica. Ex praesenti articulo patet quae sint opinationes Rosminii ad quaestionem quod spectat de qua in volumine clarissimi A. Luciani disputatur et qua ratione ipsae pendeant ex placitis rosminianae philosophiae. Quarum quasdam continuo tangimus. Rosminius contendit animam sensitivam in homine oriri a parentibus; eodem autem temporis momento quo anima sensitiva oritur, fieri «transitum» quemdam eiusdem ex sensitiva in intellectivam illuminationis divinae gratia, quae per participationem «entis idealis» («l'essere ideale») contingit; quo in transitu partes magni momenti tribuendae essent «sensui fundamentali» («sentimento fondamentale») qui utique clarissimo Luciani videtur admodum difficile captu. Rosminii sententia, transitus ille, qui idem esset ac creatio animae spiritualis, semel in perpetuum effectus est in ipsa natura humana quando initio eam Deus condidit in protoparentibus. Ex illo temporis momento animarum multiplicatio efficienda erat tantummodo opera hominum, nempe per generationem. Ope huius satis incertae theoriae praeexistentiae animarum, quam ex parte a philosopho Leibnitio desumerat, putat Rosminius nos perspicue de mysterio peccati originalis eiusque propagationis loqui posse. Clarissimus A. Luciani, autem, existimat in theoria rosminiana aliquid traducianismi contineri et, ad originem animae humanae et dogma peccati originalis quod attinet, Rosminium, quamvis bona fide, in errorem theologicum ineidisse, cum doctrina ab ipso prolata discrepet absque dubio a iudieiis Ecclesiae de hoc re. Hinc quaestio oecurrit de improbatione quarumdam sententiarum Rosminii quae ad hanc materiam pertinent et in numero sunt XL propositionum in DecretoSancti Officii «Post obitum» collectarum, iussu Leonis XIII die 7 martii anni 1888 prodito. Clarissimus Luciani contenait, adversus nonnullos qui in opposita opinione sunt, Decretum ad ipsam doctrinam, non tantummodo ad disctplinam spectare; omnibus perpensis, non inconsulte, fuisse confectum et editum. Eadem interpretatio Decreti ab auctore huius articuli tenetur et confirmatur quibusdam etiam adiunctis commemoratis iter illius documenti respicientibus. Itidem, auctor noster, ad Universum volumen quod spectat de quo hic examen et iudicium facit, laudat methodum qua opus compositum est; consentit praecipuis conclusionibus quas clarissimus Luciani assecutus est, quinimmo eas comprobat et illustrat nonnullis additis minime postputandis; existimat opus esse magni momenti sive ad melius perspiciendum qualiter doctrina rosminiana de anima congruat necne cum anthropologia christiana, sive ad melius cernendum iter in sat tortuoso contextu studiorum quae de rosminianis doctrinis tempore nostro peraguntur, sive demum ad melius diiudicandas angustias quibus theologia catholicapost Concilium Vaticanum II laborare videtur. |
|---|---|
| Contains: | Enthalten in: Divus Thomas
|