| Summary: | Articulus illustrat primatum absolutum Christi Redemptoris : non solum Incarnatio (sicut demonstrant Scotistae), sed etiam Redemptio ante praevisionem peccati Adae praedestinata fuit atque una cum Incarnatione ad actuationem « Christi totius », « in qua consumatur manifestatio communicatioque « gloriae » Dei in actu creativo inchoata ordinata est. Quae solutio tribus gravioribus rationibus nititur: a) Redemptio in ordine concrete consequitur necessario missionem Verbi, qua de causa necesse est, ut ordo Incarnationis sit et ordo Redemptionis. b) Aspectus negativus Redemptionis (liberatio definitiva universi creati ab omni dominatione regni peccati et « vanitatis » cosmicae) etiam ante peccatum Adae erat necessarius, quia peccatum a Christo victum non intravit in universum creatum per peccatum Adae, deinde quia Adam (et cum eo omne genus humanum) a concupiscentia spirituali semper dominabatur et pugna inter Feminam et Serpentem et in statu iustitiae originalis existebat. c) Deus poterit aspectum negativum Redemptionis praedestinare simul cum Incarnatione ante praevisionem peccati Adae, quia decreto permissivo potuit inserere creaturas spirituales sub dominium concupiscentiae spiritualis.
|
|---|