Summary: | Huius inquisitionis obiectum est Ecclesia, secundum Cyrillum Alexandrinum. Consideratur autem Ecclesia, praesertim prout a Spiritu Christi organice vivificatur et cum Christo mysteriosa connexione intime conjungitur, seu quatenus est Corpus Christi. Duplici parte sequens inquisitio dividitur : I. De Ecclesia quatenus est organismus; II. De visibili constitutione Ecclesiae. In prima parte, disseritur de unione quae viget inter Christum et Christianos, necnon de unione quae inter Christianos intercedere debet. Emphasis ponitur in scripturisticis vel non-scripturisticis imaginibus quae ad illam unionem describendam a Cyrillo adhibentur. Deinde, in altera parte, visibilis et hierachicus aspectus Unius, Sanctae, Catholicae et Apostolicae Ecclesiae, in cyrilliana theologia, praecipue consideratur. In ordine tractatur : 1° De episcopo et de metropolitano; 2° De episcopali corpore; 3° De Romani Pontificis primatu; 4° De vita Sancti Spiritus in animis fidelium.
|