Summary: | Recensendo duo opera de metaphysica sociali recenter edita systema « Solidarismi » a R. P. Henrico Pesch S. J. primo propositum defenditur eiusque fundamentum philosophicum magis evolvitur. Inter alia puncta specialia tractantur : sic dictus primatus communitatis prae individuis, relatio societatum naturalium inferiorum ad societatem civilem (statum), indoles ordinum professionalium, structura societatis aut democratica aut auctoritaria, exordium considerationis metaphysicae vitae socialis non a natura humana individuata sumendum, sed ab ordine finali absoluto includente ut terminos fixos et perfectibilitatem personae humanae et perfectibilitatem generis humani seu humanitatis. Denique esse societatis universalissime sumptae ut « esse intentionale » explicatur, pauca de natura sociologiae ut scientiae empiricae specialis adduntur.
|