La vie et les œuvres de Pierre D'Auvergne
In multis Petri de Alvernia, theologiae Magistri, vita adhuc obscuro velamine abscondita manet. Prima difficultas, et quidem maxima quam offendimus haec est : cum plures magistri tunc Parisiis viventes eodem nomine appellarentur, quomodo discernere possimus nostrum magistrum theologiae a coeteris ei...
| Main Author: | |
|---|---|
| Format: | Electronic Article |
| Language: | French |
| Check availability: | HBZ Gateway |
| Fernleihe: | Fernleihe für die Fachinformationsdienste |
| Published: |
Ed. Pontificia Univ. Gregoriana
1933
|
| In: |
Gregorianum
Year: 1933, Volume: 14, Issue: 1, Pages: 3-36 |
| Online Access: |
Volltext (lizenzpflichtig) |
| Summary: | In multis Petri de Alvernia, theologiae Magistri, vita adhuc obscuro velamine abscondita manet. Prima difficultas, et quidem maxima quam offendimus haec est : cum plures magistri tunc Parisiis viventes eodem nomine appellarentur, quomodo discernere possimus nostrum magistrum theologiae a coeteris eiusdem nominis. Sequentes auctoritatem Ptolomaei Lucensis eius coaetanei, quam confirmant multa indicia in idem vergentia, Petrum de Alvernia, qui fuit illustris philosophus et complevit opera Sancti Thomae, eumdem esse certo putamus qui mortuus est episcopus Claromontensis. Hic igitur Petrus quem non pauci dicunt ex illustri prosapia de Croso, probabilius non pertinet ad hanc illustrem familiam; cum verum eius nomen non de Croso sed de Croco esse constet. Natus est probabiliter in parvo pago Crocq dicto, in Alvernia, et, si Ambrosio de Altamura, fidem facimus, fuit in conventu Claromontensi Ordinis Praedicatorum educatus. Mox Parisios profectus, fuit discipulus S. Thomae quem audivit, dum Angelicus Doctor iterum in Alma Universitate docebat. Petrus noster fuisse socius domus Sorbonicae satis generaliter creditur; sed perperam : socius enim sorbonicus die 30 Martii anni 1310 mortuus est, dum episcopus claromontensis die 27 Septembris anni 1304 diem supremum obiit. Quidquid id est, Petrus noster magisterii artium laudem obtinens, per plures annos philosophiam docuit, libros aliquos Sancti Thomae complevit, plures alios, omnes sunt librorum Aristolelis commentarii, edidit. Praeter aliqua Sophismata, totam veterem logicam, parva naturalia, libros de Politica, libros de Caelo et de Mundo commentariis vel quaestionibus illustravit; praecipuum tamen eius philosophicum opus Quaestiones in Metaphysicam nominatur. Tandem theologiae studio sub magistris Henrico de Gandavo et Godefredo de Fontanis incumbens, circa annum 1296 cathedram theologicam ascendit, moxque (iam erat canonicus claromontensis) canonicatum et praebendam in ecclesia metropolitana Parisiensi obtinuit. Sex quodlibeta celebravit inter annos 1296-1302. In quibus errorem de Adventu Antichristi quem defendebat Arnaldus acriter impugnavit. Anno 1302 episcopus Claromontensis creatus, in hac urbe anno 1303 defunctus est. |
|---|---|
| Contains: | Enthalten in: Gregorianum
|