Le concile d'Ephèse
I. Conflictus ephesinus. - Postquam ab imperatore Theodosio II Concilium oecumenicum indictum est in diem 7um iunii 431, Patres paulatim conveniunt Ephesum. Cyrillus Alexandrinus cum suis liberaliter excipitur a Memnone episcopo Ephesino; Nestorius, gravi suspicioni obnoxius, interim arcetur cum sui...
| Main Author: | |
|---|---|
| Format: | Electronic Article |
| Language: | French |
| Check availability: | HBZ Gateway |
| Fernleihe: | Fernleihe für die Fachinformationsdienste |
| Published: |
Ed. Pontificia Univ. Gregoriana
1931
|
| In: |
Gregorianum
Year: 1931, Volume: 12, Issue: 2, Pages: 201-266 |
| Online Access: |
Volltext (lizenzpflichtig) |
| Summary: | I. Conflictus ephesinus. - Postquam ab imperatore Theodosio II Concilium oecumenicum indictum est in diem 7um iunii 431, Patres paulatim conveniunt Ephesum. Cyrillus Alexandrinus cum suis liberaliter excipitur a Memnone episcopo Ephesino; Nestorius, gravi suspicioni obnoxius, interim arcetur cum suis ab ingressu Ecclesiae. XV diebus elapsis post tempus assignatum, iamiam adventante Ioanne episcopo Antiochiae cum episcopis Syriae, nulla autem fama accepta de itinere legatorum romanorum missorum a Caelestino Pontifice, Patres ad Concilium vocantur a Cyrillo Alexandrino, non paucis id aegre ferentibus, plerisque tamen consentientibus. Die 22a iunii consessus habetur in ecclesia ephesina Sanctae Mariae, frustra reluctante Candidiano comite sacrorum domesticorum, ex mandato Theodosii II. Nestorius, adesse ter rogatus, postquam recusavit, absens in iudicium expostulatur pro fide Nicaena. Auditis litteris hinc Cyrilli Alexandrini et Caelestini, illinc ipsius Nestorii, tum testimoniis episcoporum qui et Constantinopoli et Ephesi Nestorium adierant, auditis auctoritatibus Patrum catholicorum de incarnatione Verbi, tum sermonibus ipsius Nestorii, Nestorius episcopatu privatur. Sententia suffragiis episcoporum amplius ducentis firmatur. Die 26a iunii Ioannes Antiochenus cum Syris ingreditur Ephesum; favente Candidiano ad se vocat latae sententiae adversarios; ipso die suffragiis 34 totum concilium anathematizat. II. Solutio conflictus ephesini. - Legati romani postquam Ephesum appulerunt et ex mandato Caelestini Cyrillo adhaeserunt, iudicium die 22a factum confirmant auctoritate apostolica diebus 10a et 11a iulii. Diebus 16a et 17a Ioannes Antiochenus, ter adesse rogatus a Concilio et reluctans, cum suis anathematizatur. Ineunte mense augusto, Ephesum venit a Theodosio II missus Ioannes comes sacrarum largitionum. Convocatis utriusque partis Patribus, recitat litteras Imperatoris quibus utriusque partis capita feriuntur: hinc Nestorius, illinc Cyrillus et Memnon. His episcopatu privatis et in custodiam traditis, ceteri pacem inire inter se iubentur. Nestorianis rem haud indigne ferentibus, Cyrilliani vehementer reclamant pro veritate fidei et iure Ecclesiae. Mense septembri, Theodosius II septem Episcopos utriusque partis ad se vocat Chalcedonem. Legati Cyrilliani rem Romae iam et Ephesi diiudicatam in controversiam revocari nullatenus patiuntur. Nestoriani autem legati apud imperatorem frustra instant. Sententia adversus Nestorium lata confirmatur; ipse Antiochiam secedit. Cyrillus et Memnon sedibus suis redduntur. Die 25a octobris, cum episcopus Constantinopolitanus consecratur Maximianus, Cyrilliani legati interesse iubentur, Nestoriani prohibentur. Paulo post solvitur concilium. Anno 432, ex mandato Theodosii II, Cyrillus Alexandrinus et Ioannes Antiochenus per nuntios de pace inter se agere incipiunt. Ex parte antiochena, res agitur auctoritate et consilio Acacii Beroeensis senis episcopi, opera et itineribus Pauli Emiseni. Vere anni 433, Ioannes Antiochenus Nestorium anathematizat, in symbolum a Cyrillo oblatum subscribit. |
|---|---|
| Contains: | Enthalten in: Gregorianum
|