| Summary: | I. Fit comparatio inter Croce ac Gentile. — II. Explanatur praesuppositum systematis Gentiliani, quod nempe cognitio nostra non determinetur a rebus. — III. Exponitur systema idealismi absoluti, prout a Gentile proponitur et evolvitur. — IV. Refertur explicatio rerum naturalium et historiae actionum hominum, quam idem exhibet iuxta principia idealismi absoluti. — V, VI. Pariter ostenditur, quomodo ab eo explicantur ars et religio, et quinam sit valor immortalitatis. — VII. Tandem exponitur, quo redeant iuxta eadem principia paedagogia, moralitas, ius et officium. — VIII. In synthesi relatis omnibus idealismi principiis, duplex proponitur ratio ad examen ipsa revocandi, et ea in primis seligitur, quae directe expendit ipsum systema, inspiciendo praesupposita, principia et conclusiones. — IX. Expenditur praesuppositum fundamentale, ostendendo aequivocationem, qua Gentile laborans, deceptus est et in errorem incidit. — X. Quaedam affertur ratio ad explicandam originem huiusmodi deceptionis. — XI. Inde etiam eruitur explicatio et fallacia totius systematis cum praecipuis suis principiis ac conclusionibus.
|
|---|